ഇ​ന്ത്യ​യു​മാ​യി സ​മാ​ധാ​ന ച​ർ​ച്ച​യ്ക്ക് ത​യാ​റെ​ന്നു പാ​ക് പ്ര​ധാ​ന​മ​ന്ത്രി

ടെ​ഹ്‌​റാ​ൻ: ഇ​ന്ത്യ​യു​മാ​യി സ​മാ​ധാ​ന ച​ർ​ച്ച​യ്ക്ക് പാ​ക്കി​സ്ഥാ​ൻ ത​യാ​റാ​ണെ​ന്ന് പാ​ക് പ്ര​ധാ​ന​മ​ന്ത്രി ഷ​ഹ​ബാ​സ് ഷ​രീ​ഫ്. കാ​ഷ്മീ​ർ, ഭീ​ക​ര​വാ​ദം, ജ​ല​വി​ത​ര​ണ​ത്തി​ലെ ത​ർ​ക്കം, വ്യാ​പാ​രം എ​ന്നി​വ​യി​ൽ ച​ർ​ച്ച​യാ​കാം. ച​ർ​ച്ച​യ്ക്ക് ഇ​ന്ത്യ ത​യാ​റാ​യാ​ൽ പാ​ക്കി​സ്ഥാ​ൻ സ​മാ​ധാ​നം ആ​ഗ്ര​ഹി​ക്കു​ന്ന രാ​ജ്യ​മാ​യി മാ​റു​ന്ന​ത് കാ​ണി​ച്ചു​ത​രാ​മെ​ന്നും പാ​ക് പ്ര​ധാ​ന​മ​ന്ത്രി പ​റ​ഞ്ഞു. ഇ​റാ​ൻ സ​ന്ദ​ർ​ശ​ന​ത്തി​നി​ടെ മാ​ധ്യ​മ​ങ്ങ​ളെ കാ​ണു​മ്പോ​ഴാ​യി​രു​ന്നു ഷ​ഹ​ബാ​സ് ഷ​രീ​ഫ് ഇ​ക്കാ​ര്യം അ​റി​യി​ച്ച​ത്.

പാ​ക്കി​സ്ഥാ​ൻ ഭീ​ക​ര​പ്ര​വ​ർ​ത്ത​ന​ത്തി​ന് സ​ഹാ​യം ന​ൽ​കു​ന്ന​ത് ബോ​ധ്യ​പ്പെ​ടു​ത്താ​ൻ ഇ​ന്ത്യ​ൻ പ്ര​തി​നി​ധി സം​ഘ​ങ്ങ​ൾ വി​വി​ധ രാ​ജ്യ​ങ്ങ​ൾ സ​ന്ദ​ർ​ശി​ച്ചി​രു​ന്നു. ഇ​ന്ത്യ​യു​ടെ ഈ ​നീ​ക്ക​ത്തി​ന് രാ​ജ്യാ​ന്ത​ര ത​ല​ത്തി​ൽ വ​ലി​യ സ്വീ​കാ​ര്യ​ത ല​ഭി​ച്ചു​വ​രു​ന്ന സാ​ഹ​ച​ര്യ​ത്തി​ലാ​ണ് പാ​ക്കി​സ്ഥാ​ൻ പ്ര​ധാ​ന​മ​ന്ത്രി​യു​ടെ പ്ര​തി​ക​ര​ണം.

അ​തേ​സ​മ​യം, പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​ല​ട​ക്ക​മു​ള്ള പാ​ക്കി​സ്ഥാ​ൻ ഭീ​ക​ര​ത ലോ​ക​ത്തി​ന് മു​ന്നി​ൽ തു​റ​ന്നു​കാ​ട്ടാ​നു​ള്ള തീ​രു​മാ​ന​ത്തി​ന്‍റെ ഭാ​ഗ​മാ​യി അ​മേ​രി​ക്ക​ൻ പി​ന്തു​ണ ഉ​റ​പ്പി​ക്കാ​ൻ ഇ​ന്ത്യ​ൻ വി​ദേ​ശ​കാ​ര്യ സെ​ക്ര​ട്ട​റി വി​ക്രം മി​സ്രി ഇ​ന്നു ന്യൂ​യോ​ർ​ക്കി​ലെ​ത്തും. പാ​ക്കി​സ്ഥാ​നി​ലെ ഭീ​ക​ര​കേ​ന്ദ്ര​ങ്ങ​ൾ ഇ​ന്ത്യ ത​ക​ർ​ത്ത​ശേ​ഷം ഇ​ന്ത്യ-​അ​മേ​രി​ക്ക ബ​ന്ധ​ത്തി​ൽ കാ​ണു​ന്ന ആ​ശ​യ​ക്കു​ഴ​പ്പം പ​രി​ഹ​രി​ക്കാ​ൻ വി​ദേ​ശ​കാ​ര്യ സെ​ക്ര​ട്ട​റി ശ്ര​മി​ക്കും.